بیان‌نیوز – عبدالسلام حنفی، معاون اداری حکومت سرپرست طالبان روز شنبه(10 قوس) در راس هیات بلندرتبه عازم تاشکند، پایتخت اوزبیکستان شد.
حمدالله فطرت، معاون سخن‌گوی حکومت سرپرست در پلتفرم ایکس نوشته که این سفر به دعوت مقام‌های اوزبیکستان صورت گرفته است.
او در ادامه نگاشته که هیات حکومت کنونی کابل در این سفر پیرامون تحکیم، تقویت و توسعه روابط سیاسی، اجتماعی، اقتصادی و فرهنگی میان افغانستان و اوزبیکستان گفت‌وگو خواهد کرد.
معاون سخن‌گوی حکومت افزوده که انتظار می‌رود که این سفر روابط دو جانبه میان افغانستان و ازوبیکستان را بیشتر توسعه دهد و در عرصه‌های مختلف دست‌آوردهای قابل ملاحظه‌ای به نفع دو کشور به دست آید.
این دومین هیات بلندرتبه‌ی حکومت است که به اوزبیکستان سفر می‌کند.
سال پیش، مولوی عبدالکبیر، معاون سیاسی حکومت سرپرست نیز به اوزبیکستان سفر کرده بود که استقبال گرم مقام‌های اوزبیکستانی قرار گرفت.
سفیر حکومت در امارات متحده عربی خواستار انتقال زندانیان به افغانستان شد
