بیان‌نیوز
رسانه‌های دولتی تاجیکستان گزارش داده‌اند که فردا پنج‌شنبه(5 جوزا) نشست امنیتی بین‌المللی با محوریت افغانستان در دوشنبه پایتخت این کشور برگزار می‌شود.
براساس این گزارش‌ها، مقام‌های امنیتی روسیه، چین، هند، ایران و دیگر کشورهای دخیل در مسایل افغانستان شرکت خواهند کرد.
طبق گزارش رسانه‌های دولتی تاجکستان، اوضاع سیاسی و امنیتی افغانستان، مسایل امنیتی کشورهای منطقه و همسایه‌ها مورد بحث و بررسی قرار خواهد گرفت.
این موضوع توسط رسانه‌های تاجکستانی همه‌گانی شده است اما وزارت خارجه‌ی این کشور رسما تایید نکرده است.
با تسلط طالبان بر افغانستان، شماری از کشورهای منطقه و به‌ویژه تاجکستان از اوضاع امنیتی افغانستان ابراز نگرانی کرده است.
