بیان‌نیوز
ولادیمیر پوتین، رییس‌جمهوری روسیه در اولین سفر خارجی‌اش پس از تهاجم نظامی بر اوکراین، به دوشنبه پایتخت تاجیکستان رفته است.
پوتین در این سفرش با امام‌علی رحمان، رییس‌جمهوری تاجیکستان دیدار و گفت‌وگو کرده است.
رسانه‌های روسی گزارش داده‌اند که رییس‌جمهوری روسیه، وضعیت منطقه، افغانستان و به‌خصوص مناطق مشترک مرزی میان افغانستان و تاجیکستان را به بحث و گفت‌وگو گرفته‌اند.
براساس این گزارش‌ها، رییس‌جمهوری روسیه به همکاری‌های مشترک دو کشور پیرامون امنیت منطقه‌یی تاکید ورزیدند.
رییس‌جمهوری روسیه پس از سفر به تاجکستان، برای اشتراک در نشست«دریای خزر» به عشق‌آباد پایتخت ترکمنستان خواهد رفت.
گفته می‌شود که پوتین در حاشیه این نشست، با روئسای جمهور کشورهای منطقه وبه‌خصوص رییس‌جمهوری ایران دیدار خواهد کرد.
