بیان‌نیوز
شیرعلی میرزو، وزیر دفاع تاجیکستان در راس هیاتی به اسلام‌آباد، پایتخت پاکستان رفته و با همتای پاکستانی‌اش در خصوص فرصت‌ها و چالش‌های امنیتی دیدار و گفت‌وگو کرده است.
به گزارش رسانه‌های پاکستانی، خواجه‌محمد آصف، وزیر دفاع پاکستان در این دیدار گفته که تاجیکستان و پاکستان به عنوان همسایه‌های افغانستان با چالش‌ها و تهدیدهای امنیتی مشابهی مواجه هستند.
وزیر دفاع پاکستان به جانب تاجیکستان اطمینان داده که به ارایه‌ی کمک‌ها در راستای ظرفیت‌سازی اطلاعاتی با نیروهای امنیتی تاجیکستان ادامه می‌دهد.
وی افزوده است که پاکستان به حل مسالمت‌آمیز همه مسائل اعتقاد دارد و از تلاش‌های تاجیکستان برای صلح و ثبات در منطقه قدردانی می‌کند.
پاکستان و تاجیکستان دو همسایه‌ی نزدیک افغانستان پس از تسلط امارت اسلامی بر کشور، هرازگاهی نگرانی‌های امنیتی‌شان را بروز داده‌اند.
هم‌زمان با این، تاجیکستان طی دو سال گذشته، تدابیر امنیتی خود را در مناطق هم‌مرز با افغانستان تشدید داده است.
