بیان‌نیوز
دفتر معاونیت اقتصادی ریاست‌الوزرای حکومت سرپرست کابل آمار داده که افغانستان طی یازده ماه گذشته، یک میلیارد و ۷۱۷ میلیون دالر صادرات داشته است.
این دفتر عصر روز دوشنبه(۱۳ قوس) اعلام کرده که اقلام صادراتی افغانستان در این مدت در تاریخ صادرات کشور بی‌سابقه بوده است.
به گفته‌ی دفتر معاونیت اقتصادی، ۷۶ درصد صادرات افغانستان را محصولاتی چون انار، انگور، سیب، پسته، زعفران و زغال سنگ تشکیل می‌دهند و ۲۴ درصد دیگر را هم سایر کالاهای صادراتی.
طبق آمارهای دفتر معاونیت اقتصادی، محصولات افغانستان طی یازده ماه گذشته به کشورهای ایران، پاکستان، هندوستان، تاجیکستان، امارات متحده عربی، عراق، عربستان، چین، قزاقستان و اوزبیکستان صادر شده است.
با این حال، پس از روی کار آمدن مجدد امارت اسلامی، میزان معاملات تجارتی میان افغانستان و کشورهای منطقه افزایش یافته است.
