بیان‌نیوز – با نزدیک شدن سومین نشست دوحه، مقام‌های امریکایی و اوزبیکستان در مورد افغانستان در واشنگتن گفت‌وگو کردند.
توماس وست، نماینده‌ی ویژه امریکا برای افغانستان روز یک‌شنبه(۲۰ جوزا) در پلتفرم ایکس نوشته که با مقام‌های اوزبیکستانی در مورد «منافع مشترک فراوان» و «راه پیشرو در افغانستان» گفت‌وگو کرده است.
وست افزوده که با عزیز کامیلوف، معاون شورای امنیت ملی و عصمت‌الله ارگارشیف، نماینده‌ی ویژه اوزبیکستان برای افغانستان در واشنگتن دیدار کرده است.
این مقام امریکایی اما جزییات بیشتری از این دیدار منشتر نکرده است.
سومین نشست دوحه به میزبانی سازمان ملل و اشتراک نمایندگان ویژه‌ی کشورها برای افغانستان در ۳۰ جون ماه جاری برگزار خواهد شد.
