بیان‌نیوز – شی جین‌پینگ، رییس‌جمهور چین و امام علی رحمان، رییس‌جمهور تاجیکستان در یک دیدار دو جانبه، به ایجاد دولت همه‌شمول در افغانستان تاکید ورزیدند.
رییس‌جمهور چین پس از اشتراک در نشست سازمان همکاری‌های شانگهای، عازم تاجیکستان شد و با امام علی رحمان، رییس‌جمهور این کشور دیدار و گفت‌وگو کرد.
در بیانیه‌ی مشترک رهبران دو کشور آمده که از دولتی با حضور نمایندگان تمامی گروه‌های قومی، مذهبی و جریان‌های سیاسی در افغانستان حمایت می‌کنند.
آن‌ها همچنان افغانستان مستقل، متحد و بی‌طرف را برای منافع کشورهای منطقه‌ای مهم دانستند.
نشست سازمان همکاری‌های شانگهای به میزبانی قرغیزستان برگزار شده است و رهبران عضو این سازمان از جمله رییس‌جمهور چین، رییس‌جمهور روسیه، نخست‌وزیر هند، نخست‌وزیر پاکستان و سایر رهبران عضو اشتراک کرده بودند.
افغانستان با این‌که عضو این سازمان است، اما برای دومین‌بار از هیات طالبان برای اشتراک در نشست سازمان همکاری‌های شانگهای دعوت نشد.
علاوه براین، رهبران چین و تاجیکستان در حالی در مورد افغانستان موضع می‌گیرند که طالبان با چین روابط حسنه سیاسی و اقتصادی دارد؛ اما سفارت افغانستان در تاجیکستان هنوزهم در اختیار مخالفان سیاسی طالبان است.
اشرف غنی: امریکا و سازمان ملل عامل اصلی فساد در افغانستان بودند
