بیان‌نیوز – وزارت صحت عامه‌ی حکومت سرپرست روز دوشنبه(12 قوس) دستور تعلیق تحصیل دختران در انستیتوت‌های صحی را صادر کرد.
این وزارت در اعلامیه‌ای گفته است که با تصمیم وزارت صحت عامه، دروس دانش‌جویان دختر از روز سه‌شنبه تا اطلاع ثانوی در سراسر افغانستان به حالت تعلیق درآمده است.
وزارت صحت عامه ابراز داشته که دختران از مراجعه به انستیتوت‌های صحی خودداری کنند.
انستیتوت‌های صحی تنها مراکز آموزشی برای دختران دانش‌جو باقی مانده بودند.
سال گذشته وزارت صحت عامه در ده ولایت افغانستان اجازه داده بود که دختران فارغ از صنف دوازدهم در امتحانات انستیتوت‌های صحی اشتراک کنند.
در این انستیتوت‌ها، برای دختران عمدتأ رشته‌های قابلگی و نرسنگ آموزش داده می‌شد.
مقام سازمان ملل: سرکوب زنان افغانستان در دنیای امروز بی‌سابقه است
